Надал ја прекина црната серија против Зверев и се пласираше во полуфиналето во Рим

Шпанскиот тенисер Рафаел Надал се пласираше во полуфиналето на мастерсот во Рим.

Надал со 6:4, 6:4 го победи Германецот Александар Зверев и очигледно дека „кралот на земјата“ ја крева формата, па има прилика да дојде до нов трофеј.

Денес Надал му се реваншираше на Зверев за поразот неодамна во Мадрид, а исто така ја прекина серијатаод три порази во низа во дуелите со германскиот тенисер.

Рафа одлично го отвори мечот и поведе со 4:0, иако Зверев успеа да намали на 4:2, но не и во целост да се врати во мечот.