Навивачите можат да здивнат: Олмо и официјално регистриран!

Навивачите на Барселона конечно можат да здивнат, Дани Олмо од утрово и официјално е регистриран за настап во Ла Лига и ќе може да дебитира уште вечерва против Рајо Ваљекано.

Барселона успеа да пронајде начин и да ги заврши административните обврски околу Олмо кој сега ќе може да се фокусира на настапите на теренот.

Името на Олмо од утрово веќе е на списокот на регистрирани фудбалери.

Ханси Флик во претходните денови изјавуваше дека Олмо е одлично физички спремен и сега само од него ќе зависи кога ќе дебитира шпанскиот репрезентативец.