Мурињо ја сака младата ѕвезда на Реал Мадрид

Жозе Мурињо беше и официјално назначен за нов тренер на Фенербахче, а најголема желба во летниот преоден рок ќе биде турскиот талент Арда Гулер.

Неколку европски гиганти минатото лето беа силно заинтересирани за „турскиот Меси“, а на крајот Реал ја доби битката и за неговиот потпис му плати 22 милиони евра на Фенербахче.

Гулер го пропушти првиот дел од сезоната поради повреда, а во последно време покажа дека се работи за голем талент, но во Реал не може  да се избори  со големата конкуренција.

Мурињо сака да ја искористи таквата ситуација и да го врати во Фенербахче на позајмица, каде ќе му гарантира првотимски статус.

Останува да се види дали Реал е спремен да го пушти на позајмица поради поголема минутажа.