Мурињо смирува: Победивме пет натпревари, не 50

Жозе Мурињо има одличен старт во Рома, но сепак Португалецот е претпазлив.

Португалецот победи на сите пет официјални натпревари како тренер на Рома, сепак ја смирува еуфоријата.

„Победивме на пет натпревари, не на 50. Затоа нема причини за некаква еуфорија. Позитивните резултати се важни за проектот да се развува. Сепак, рано е за егуорија, навивачите мораат да разберат дека ова е процес. Напредок има, но да бидеме смирени“.

„Цело време на моите фудбалери им зборувам дека се помалку од 100% е ништо, максимумот секогаш мора да се даде. Против Сасуоло можевме да изгубиме со 2:1, меѓутоа нашата амбиција не се доведе во прашање. Како и да е не сме перфектни имаме уште за работа“, изјави Мурињо.