Мурињо: Пандев е најдобриот играч во македонската историја

Горан Пандев е македонскиот амбасадор за Суперкупот на УЕФА, но тој нема да биде денес во Скопје, поради професионалните обврски во екипата на Џенова.

Пандев играше под палка на Жозе Мурињо во Интер и беше еден од клучните играчи во походот на Лигата на шампионите.

„Не сакам да бидам во позиција во која што е мојот колега во Џенова. Тој би можел да каже дека не е моја работа да коментирам. Единствено можам да кажам дека Горан е најдобриот играч во македонската историја. Тој е звучно име тука. Приватен авион може да направи чуда. Пандев може да дојде само за натпреварот и да си замине оттука“, рече Мурињо.

Тренерот на Џенова Иван Јуриќ, не му дозволи на Пандев да дојде во Скопје, поради обврски со тимот.