Мурињо најде идеална замена за Мајкл Керик!

Манчестер Јунајтед и ова лето ќе биде многу активен на трансфер пазарот, па се појави и ново име на листата желби на Жозе Мурињо.

Станува збор за фудбалерот на Тотенхем и англиски репрезентативец, Ерик Дајер кој може да игра на повеќе позиции во средниот ред.

Дајер е одличен на позицијата заден везен, иако кај Покетино оваа сезона во неколку наврати играше и во одбраната.

Мурињо смета дека тој е идеално решение за „црвените ѓаволи“ како замена за Мајкл Керик и партнер на Пол Погба во средниот ред.

Сепак, трансферот сигурно ќе биде тежок за реализација бидејќи Тотенхем исклучително го цени овој фудбалер и не сакаат да започнат преговори за сума помала од 40 милиони фунти.