Мурињо го започна шопингот: Пристигнува тандем од 90 милиони!

Англиските медиуми пренесуваат дека Манчестер Јунајтед веќе ги договорил трансферите на двете ѕвезди на Бенфика и дека само прашање на време е кога тие ќе бидат официјализирани.

Станува збор за стоперот Виктор Линделоф и десниот бек Нелсон Самедо, фудбалери за кои Жозе Мурињо беше заинтересиран и во зимскиот преоден рок.

Агент на двајцата фудбалери е Жорге Мендеш па логично беше „црвените ѓаволи“ лесно да најдат договор со играчите, а за двајцата ќе искешираат точно 90 милиони евра.

Португалските медиуми се сигурни дека двата трансфери се договорени, но сепак сеуште нема никаква потврда од двата клуба.

За овие двајца фудбалери постои интерес од многу европски клубови, но Јунатед ја победил конкуренцијата и ќе ги донесе на „Олд Трафорд“.