Момент на 2020 година: Голот на Гранде Горан вреден Европско првенство!

2020 година беше тешка година, но за Македонија ова е и годината во која за првпат изборивме пласман на едно Европско првенство.

Македонија се пласираше на ЕП со победата во Тблиси против Грузија, натпревар кој вечно ќе се памети, а тој 12. ноември со „златни букви“ ќе биде испишан во нашата спортска историја.

На поубав начин и не можеше да се пласираме, Гранде Горан го постигна единствениот гол и го исполни својот сон да ја одведе Македонија на едно големо натпреварување.