Модриќ: Се чуствувам како да имам 27 години!

Реал Мадрид синоќа ја победи Аталанта и се пласираше во четвртфиналето од Лигата на шампиони.

Лука Модриќ уште еднаш одигра маестрален натпревар, а после мечот доби пофалби од тренерот Зинедин Зидан.

„Сите знаеме колку добар играч е. Има 35 година, а тоа не се забележува никаде на теренот. Лука и Тони Крос беа феноменални како тандем на средината“, истакна Зидан.

Самиот Модриќ потврди дека се чуствува одлично, како да има 27 години.

„Имам 35 години, ама се чувствувам како да сум на 27. Се чувствувам одлично. Годините не играат улога и не ги гледам, важно е колку ќе дадеш на теренот. А, јас се уште сум гладен за успеси, гладен сум да играм на врвно ниво и затоа прекрасно се чувствувам“, изјави Модриќ.