Младите Шпанци во Скопје гостуваат без најголемата ѕвезда

Младата селекција на Шпанија го објави списокот на фудбалери со кои ќе допатува во Скопје на квалификацискиот натпревар.

На списокот кој денес го објави селекторот Луис Де Ла Фуенте ја нема најголемата ѕвезда, играчот на Барселона Ансу Фати. Причината што Фати нема да биде во составот е неговиот повик за сениорскиот тим на „Фуријата“.

Во составот со кој ќе допатуваат Шпанците најпознати се веројатно, Карлес Алења и Рики Пуиг.

Натпреварот Македонија и Шпанија ќе го играат на тренинг центарот на ФФМ на 3. септември.