Милинковиќ-Савиќ сака да остане во Италија, два гиганти спремаат понуда

Сергеј Милинковиќ-Савиќ сигурно ќе го напушти Лацио на крајот на сезоната, а преферира да остане во Серија А.

Србинот одби да го продолжи договорот со Лацио бидејќи сака трансфер, а неколку европски гиганти се заинтересирани за неговиот потпис.

Со оглед на фактот дека Милинковиќ-Савиќ на лето влегува во последната година од договорот Лацио ќе биде приморан да го продаде.

Најсилен интерес за СМС покажуваат Јувентус и Милан,а медиумите тврдат дека играчот ги одбил понудите на другите клубови и ќе бира помеѓу Милано и Торино.

Бидејќи има само една година договор неговата цена драстично падна, па Лацио ќе мора да се задоволи со 40 милиони евра, иако пред две години одби 100 милиони евра.