Милевски за ситуацијата по натпреварот: Сите кои доаѓаат на стадион треба да имаат почит за националниот дрес

Македонија денес одигра пријателски натпревар против Финска кој заврши без победник 1:1. По натпреварот денес беше забележана реакција на селекторот Благоја Милевски на некого кон трибините.

Милевски на прес-конференцијата по натпреварот порача дека сите кои доаѓаат на стадион треба да имаат почит кон националниот дрес и оние кои го претставуваат.

„Повторно имавме шанси и не реализоравме. Можам да бидам задоволен од некои работи, но и од некои не. Сите кои доаѓаат на трибините треба да имаст почит за оние кои ги бранат боите на националниот дрес“, одговори Милевски на прашањето за таа ситуација.