Милевски ги собра фудбалерите за последните два натпревари во квалификациите 📸

Фудбалската репрезентација на Македонија се собра пред последните два натпревари во квалификациите за Светското првенство.

Попладнево селекторот Благоја Милевски ги пречека фудбалерите за натпреварите со Ерменија на 11. ноември во Ереван и Исланд дома три дена подоцна.

Ќе потсетиме во последен момент од составот отпаднаа Ердал Ракип и Адис Јаховиќ поради повреди. На нивно место селекторот ги повика Давид Бабунски и Енур Тотре. Од 17:00 часот на тренинг центарот „Петар Милошевски“ репрезентативците ќе го имаат и првиот тренинг.

Фото: ФФМ