Милан понуди 15 милиони за шведски репрезентативец

Италијанскиот гигант Милан покажува силен интерес за шведскиот репрезентативец Лудвиг Аугустинсон, пренесуваат италијанските медиуми.

23-годишниот Аугустинсон игра на левата бековска позиција и ова лето од Копенхаген се пресели во Вердер Бремен, каде настапи на 16 од 17 меча во Бундес лигата.

Раководството на Милан е спремно да понуди 15 милиони евра и сака да го реализира трансферот до крајот на јануарскиот преоден рок.

Аугустинсон веќе има 14 настапи за шведската репрезентација, а со своите партии во Вердер го привлече вниманието на многу гиганти ширум Европа.