Украински Шахтјор летоска одби понуда на Милан за својот крилен фудбалер Тајсон. Информациите сега ги потврди и менаџерот на Тајсон и порача дека од тогаш повеќе немале контакти со Росонерите.
Преговорите помеѓу Милан и Шахтјор траеа долго, но конечен договор не беше постигнат.
„Вистина е, Милан беше сериозно заинтересиран.“ – изјави менаџерот на Тајсон, Диего Дорналес во разговор за Калчомеркато.
„Шахтјор не ја прифати понудата која ја испрати Милан. Тие бараа плаќање на целата откупна клазула која е 30 милиони евра. Не можам да кажам колку точно била понудата на Милан, но не беше доволна.“
„Тајсон е среќен во Шахтјор, тој е капитен на екипата и игра одлична сезона.“ – додаде Дорналес.
Менаџерот дополнително беше запрашан дали Милан повторно би се обидел да го донесе Тајсон во јануари.
„Од тогаш немаме контакти. Се зависи од Шахтјор и она што тие го сакаат.“
Инаку, договорот на играчот со Шахтјор важи до летото 2021. година.
Учество во игри на среќа е дозволено за лица со 18+ години. Играј одговорно!