Дома Македонски спорт Мак ракомет МВР ја соопшти казната за полицаецот кој го удри Талески!

МВР ја соопшти казната за полицаецот кој го удри Талески!

Изминатиот викенд ракометниот Куп на Македонија видовме инцидент во кој полициски службеник со пендрек го удри ракометарот на Вардар, Филип Талески.

МВР веднаш по инцидентот соопшти дека е отворена постапка против полицискиот службеник, а сега е и соопштен исходот. Полицаецот ќе се соочи со кривична пријава и суспензија.


Уште еден поткаст! Fat Cacko: Од гитара до Fat kitchen bistro и најдобриот бургер во градот ↓↓↓


„Одделот за внатрешна контрола, криминалистички истраги и професионални стандарди до Специјализираното одделение за гонење на кривични дела сторени од лица со полициски овластувања и припадници на затворската полиција при Основното јавно обвинителство за гонење организиран криминал и корупција – Скопје, поднесе кривична пријава против Х.Р., вработен како полициски службеник во полициска станица на подрачје на СВР Охрид, поради постоење основи на сомневање дека сторил кривично дело „малтретирање во вршење на службата“, по член 143 став 1 од Кривичниот законик.

Имено, пријавениот на 13.05.2023 година, околу 20.00 часот во Спортската сала „Билјанини извори“ во Охрид по завршување на ракометен натпревар, при вршење на службата со умисла извршил малтретирање врз оштетениот Ф.Т. на начин што неосновано и прекумерно употребил средства за присилба врз него.

Одделот за внатрешна контрола, криминалистички истраги и професионални стандарди, како овластен предлагач, против Х.Р. ќе покрене постапка за утврдување на дисциплинска одговорност, а работникот ќе бидат суспендиран од работа до завршување на дисциплинската постапка“, објави МВР.

Фото: РК Вардар

Коментари
Прочитајте поврзани статии
Load More In Мак ракомет

Проверете

Проблем за Македонија: Без Барди против Хрватска и Чешка?!

Maкедонската фудбалска репрезентација ја очекуваат пријателските натпревари со Хрватска и …