Манчестер Јунајтед во ЛШ, Астон Вила остана во Премиер лига (видео)

Последното коло во Премиер лигата ни донес разврска во Топ 4 и го донесе и последниот патник во Чемпионшип.

Манчестер Јунајтед го доби директниот дуел со Лестер, па иако им беше потребен само еден бод, сепак „црвените ѓаволи“ остварија победа од 2:0.

Со оваа победа Јунајтед го осигура 3-то место на табелата, а Челзи иако победи против Вулверхемптон (2:0), остана на четвртото место.

Лестер и Јунајтед играа претпазливо во првото полувреме, па мрежите мируваа, а во вториот дел Фернандеш и Лингард му донесоа победа на гостите.

Арсенал го победи Ватфорд со 3:2 и го испрати во Чемпионшип. Пирова беше победата на Борнмут против Евертон бидејќи Астон Вила освои бод против Вест Хем и остана во Премиер лигата.

Тотенхем одигра 1:1 против Кристал Палас, но тоа беше доволно за 7-мо место и пласман во Лига Европа.