„Македонската пресметка“ нема да биде целосна: Манасков нема да игра против Нант

Вечерва Нант од 20:45 часот ќе игра против Веспрем во рамките од четвртфиналето во Лигата на шампионите.

Ова требаше да биде „македонска пресметка“ помеѓу Лазаров и Манасков, но Манасков ќе го пропушти овој дуел. Македонскиот репрезентативец не се најде во составот на Веспрем за вечерашниот натпревар.

Причината е повреда, иако таа не е толку сериозна сепак во унгарскиот тим не сакаат ништо да ризикуваат па нема да сметаат на него за вечерашниот натпревар.

Ќе споменеме дека натпреварот ќе го суди македонската судиска двојка Начевски – Николов.