![](https://sportski.mk/wp-content/uploads/2020/11/macedonia1-850x491.jpg)
Македонската фудбалска репрезентација во петок против Казахстан во Скопје го игра завршниот контролен натпревар пред историскиот настап на Европското првенство што започнува на 11-ти јуни.
Ќе има промени во составот
Селекторот Игор Ангеловски најави измени во составот, истакнувајќи дека дуелот против Казахстан ќе биде искористен како подготвителен тренинг.
Лига Нации: Се освен прво место ќе биде катастрофа за Македонија! ↓↓↓
– Можеби ќе излеземе со поразличен состав од оној со Словенија. Сакам да им дадам повеќе минутажа на некои што играат помалку, изјави Ангеловски.
Она што е од сега познато, со сигурност отпадна за овој дуел Ферхан Хасани поради мала повреда на носот заработена на предходниот подготвителен дуел против Словенија. Стефан Ристовски веројатно ќе тргне од клупата за резерви, а се очекуваат уште неколку измени во тимот.
На првиот од двата подготвителни натпревари пред настапот на ЕУРО 2020, во понеделникот Македонија ремизираше 1:1 против Словенија во Скопје. Овој меч би требало да биде полесен, бидејќи според ранкингот Македонија е далеку подобропласирана селекција од Казакстан.
Казакстан ќе ја глуми Украина
Ако Словенија пред два дена требаше да ја „глуми„ Австрија, тогаш Казахстан треба да биде Украина против која во мундијалските квалификации одигра 1:1, па оттаму утрешната средба за избраниците на Ангеловски ќе биде и мерило повеќе колку и што можеме да очекуваме од црвено-жолтиоте на Европското првенство, односно н амечот со Украина.
Ако Македонија одигра како против Словенија, тогаш нема потреба од грижи на резултатски план. Но со оглед на тоа што Ангеловски најави промени во составот, не очекувајте лесен меч.
Ќе биде интересно да се види како ќе се снајдат момците кои довиваат помала минутажа, а кои ќе мора да ја искористат шансата. На Европското Првенство ќе одиграме минимум три меча во краток временски период и јасно е дека за да се одржи свежината ќе мора да се прават ротации. Овој меч со Казакстан ќе треба да послужи томку за тоа, како оние со помала минутажа ќе се снајдат на теренот.
Казакстан во слаба серија, но ја подигнува формата
Казакстан нема победа на осум меча по ред, а на последните 15 натпревари има само две победи и тоа над селекции како Сан Марино и Литванија. Сепак, нивните игри во последно време бележат голем напредок. Одиграа реми со Црна Гора, а на последните два меча загубија прво од Франција дома со 0:2, но не разочараа на тој дуел, додека во последниот натпревар одиграа 0:0 со Украина на гости во Киев. Тимот им е составен претежно од фудбалери кои играат во домашниот шампионат, но тоа не треба да биде олеснителна околност за нас. Во последно време екипите од Казакстан како Астана, Алмати, Тобол … играат одлично во европските купови, далеку подобро од македонските екипи.
Во секој случај, станува збор за селекција која е дури на 120-то место на ФИФА ранг истата и селекција против која треба да славиме победа – на победнички начин да патуваме на ЕУРО 2020.