Македонија е прв носител на ждребот за Мундобаскетот

Кошаркарската репрезентација на Македонија ќе ја има улогата на носител на една од групите од претквалификациите за наредниот светски шампионат.

ФИБА денеска го одреди ранкингот, според кој македонската селекција, заедно со Црна Гора, Летонија и Шведска, е меѓу носителите на ждребот кој ќе се одржи утре  во Берлин со почеток во 16.30 часот.

Тоа значи дека Македонија ќе ги одбегне топ-фаворитите за пласман во следниот круг, квалификациите за Мундобаскетот во 2023 година.

На утрешната ждрепка ќе бидат извлечени четири групи од по три селекции, а натпреварите ќе се играат во август.