Дома Македонски спорт Мак фудбал Македонија годината ќе ја заврши на 76-то место во светот!

Македонија годината ќе ја заврши на 76-то место во светот!

Фудбалската репрезентација на Македонија годината ќе ја заврши на 76-то место според најновата ФИФА ранг-листа.

Нашиот национален тим оваа календарска година напредуваше цели 86 места, најмногу од сите репрезентации.

Македонија 2017 година ја започна на 162-то место, а во март беше на 166-та позиција. Сепак, успешните резултати во наредните осум месеци, кога избраниците на Игор Ангеловски забележаа само еден пораз, од Шпанија, а одиграа нерешено со Италија и Албанија и го совладаа Израел, донесе рапиден скок на листата.

Инаку, на последната ФИФА-листа за 2017 година нема промени ниту меѓу првите десет. Германија е на првото место пред Бразил, Португалија, Аргентина, Белгија, Шпанија, Полска, Швајцарија, Франција и Чиле.

Коментари
Прочитајте поврзани статии
Load More In Мак фудбал

Проверете

Андора прва на патот на фудбалерките кон повисок ранг во Лигата на нации

Македонските фудбалерки ќе го отворат циклусот во март 2027 со два домашни дуела. Во група…