Македонија ги одработи последните подготовки пред првиот предизвик во главната фаза

Филип Вирановски

Македонската ракометна репрезентација го одработи последниот тренинг пред утрешниот меч против Шпанија.

Избраниците на Раул Гонзалес утре ќе се соочат против екипата на Шпанија во рамки на првото коло во главната фаза во групата 2.

„Веќе два дена се подготвуваме за Шпанија, имаме добри видео анализи, разработуваме тактика и една по една ги составуваме коцките. Шпанија е многу силна и опасна репрезентација. Верувам дека полека доаѓаме до фаза во која можеме да кажеме дека сме спремни за нив“, изјави Жарко Пешевски, кој заедно со Стојанче Стоилов и Никола Маркоски ќе водат голема битка на линијата од шест метри со шпанските ракометари.