Лука Тони до Виери: Некогаш ги исмејувавме напаѓачите кои немаа 20 гола во сезона

Поранешниот италијански голгетер предупреди дека освен Чиро Имобиле Италија во овој момент нема сериозни напаѓачи.

Имобиле сезонава е во одлична форма и постигна 27 лигашки голови, додека Андреа Петања и Франческо Капуто се единствените двајца играчи од Италија со повеќе од 10 гола во Серија А.

Во разговор со Кристијан Виери на Инстаграм во живо, Лука Тони потсети на подобри времиња за италијанскиот фудбал.

„Се сеќаваш кога бевме во репрезентацијата? Имавме одлични напаѓачи и кога некој немаше да постигне 20 голови во сезоната го исмејувавме. Сега освен Имобиле нема други италијански играчи кои можат да постигнат повеќе од 15 гола. Тоа навистина е голем проблем“, изјави Тони.

Luca Toni feels #Italy have a ‘real problem’ in attack as ‘apart from Ciro Immobile, there’s no Italian who has scored more than 15 goals’ https://t.co/xwzJxnuEfH #Azzurri #Lazio pic.twitter.com/0hOavy0sTq

— footballitalia (@footballitalia) April 22, 2020