Лука Дончиќ нема да го гледаме на Олимписките игри

НБА ѕвездата од редовите на Далас, Лука Дончиќ нема да биде дел од летните Олимписки игри во

Париз откако Словенија денеска беше елиминирана во квалификацискиот турнир по убедливиот пораз од Грција во Атина со 68:96.

Победата Грците ја најавија уште во почетните минути кога поведоа со 13:0. Од таквиот почеток на натпреварот словенечките репрезентативци не успеаа да се опорават.

Грција беше предводена од Јанис Адетокумпо и Томас Волкап со по 19 поени. Дончиќ за Словенија постигна 21 поен, но исто така имаше и 10 изгубени топки.