Лоши вести за Јувентус – Нивниот играч надвор од терените еден месец

Дефанзивецот на Јувентус, Матија Де Шиљо ќе биде надвор од терените околку еден месец.

Италијанецот заработи повреда на зглобот за време на натпреварот против Барселона во Лигата на Шампионите и нема да може да му помогне на Јуве барем до следната пауза за нациналните тимови.

„Тој доби повреда за време на натпреварот против Барса и се очекува да биде подготвен за игра по три или четири недели. За битката за Скудетото. Отсекогаш сум велел дека Јувентус е многу силен. Но, оваа година, Наполи е исто така многу силен. Има шанса три или четири тима да се борат за титулата“, изјави агентот на играчот, Донато Оргони.

Синоќа Јувентус на домашен терен со единствениот гол на Манџукиќ успеа да ја победи Фиорентина и заедно со Наполи да се бори за врвот на табелата.