Лоши вести за Челзи: Бен Чилвел ја заврши сезоната

Левиот бек на Челзи, Бен Чилвел ја заврши сезоната поради повреда на предмиот вкрстен лигамент.

Англискиот репрезентативец се повреди во натпреварот против Јувентус во Лигата на шампионите. Мораше да му биде извршен хируршки зафат и сега го чека подолга пауза.

Сега Томас Тухел остана на само еден играч по левата страна – Маркос Алонсо. Иако, по потреба таа позиција може да ја покрива и Калум Хадсон Одои.

Останува да се види дали „сините“ ќе реагираат во јануарскиот преоден рок и ќе доведат замена за Чилвел. Постои опција од позајмица да биде вратен Емерсон Палмери.

Од почетокот на сезоната Чилвел одигра 12 натпревари, постигна три гола и запиша една асистенција.

Chelsea could sign left wing-back in January as cover for Ben Chilwell. By @JacobSteinberg https://t.co/Fz2ruxlm4f

— Guardian sport (@guardian_sport) December 28, 2021