Ливерпул во „пол позиција“ за Италијанецот поради Леброн Џејмс

21 годишнито Никола Барела е еден од најталентираните фудбалери во Италија и веќе го привлекува интересот на големите европски клубови.

За Барела до овој момент интерес покажаа италијанските гиганти, но во игра се и клубовите од Англија. Засега фудбалерот од клубовите во Премиер лигата се поврзуваше со Тотенхем и Ливерпул.

Сепак, според неговата изјава во пол-позиција и тоа поради „кралот“ Леброн Џејмс е тимот на Ливерпул.

„Кога би требало да бирам помеѓу Италија и Англија би ја избрал Англија. Навистина ми се допаѓа нивниот стил. Фудбалерите во оваа земја се слични на она што сакам и го играм јас. Но, исто така би сакал и да имам прилика да го запознаам Леброн Џејмс“, изјави Барела.

Добро познато е дека Леброн поседува мал дел од акциите на Ливерпул, па доколку фудбалерот се одлучи за англискиот гигант веројатно и би добил прилика да се запознае со кошаркарската легенда.