ЛЕ: Минимални победи на Јувентус и Јунајтед, „седмица“ на Фејенорд 🎥

Денес во терминот од 18:45 се играа реванш натпреварите од осминафиналето во Лигата на Европа, а пласман во следната фаза обезбедија Манчестер Јунајтед, Севиља, Фејенорд и Јувентус.

Јувентус по победата во првиот натпревар од 0:1 вечерва забележа уште еден триумф со истиот резултат. Мрежата се тресеше уште во 28-та минута кога погоди Влаховиќ. Сепак, по реакција на ВАР голот беше поништен.

Пред крајот на полувремето „старата дама“ доби пенал, а во таа ситуација втор жолт картон заработи Гуиде. Реализатор на најстрогата казна беше Влаховиќ. Во самата завршница Киеза постигна уште еден гол за конечни 0:2.

Манчестер Јунајтед по триумфот од 1:4 вечерва забележа рутинска победа од 0:1, а повторно гол постигна Маркус Рашфорд.

Минимална победа забележа и Фенербахче против Севиља, но тоа на турскиот гигант не му беше доволно затоа што Шпанците победија во првиот натпревар со 0:2.

Најубедлив во овие средби беше Фејенорд кој на домашен терен го декласираше Шахтјор со 7:1.