Лев за подвигот на Бразил од 1962: Ќе биде тешко, но гладот и желбата се присутни

Селекторот на Германија, Јоаким Лев истакна дека на неговата репрезентација ќе и биде исклучително тешко да ја одбрани светската титула, но додаде и дека постои голема желба кај неговиот тим.

Репрезентацијата на Германија ќе се обиде да ја одбрани титулата освоена пред четири години во Бразил и така да стане втората репрезентација на која и успеало такво нешто после Бразил во 1962 година.

Сепак Лев знае дека ќе биде тешко.

„Такво достигнување е навистина тешко, но гладот и амбициите дефинитивно се присутни“, изјави Лев на конференцијата за новинари.

И покрај тоа што скоро цела сезона беше повреден, Мануел Ноер ќе биде неговиот прв избор.

„Изгледа самоуверено на тренинзите, тоа е Мануел Ноер каков што го познаваме. Многу мирен, стабилен и расположен“, заврши Лев.

Германија денес го започнува Мундијалот со натпреварот против Мексико.