Левандовски откри до кога планира да игра

Ѕвездата на Баерн Минхен, Роберт Левандовски откри до кога планира да игра на врвно ниво.

Левандовски истакна дека сака да игра врвен фудбал уште пет години, односно до својата 37-ма година.

„Во моментов играм за Баерн, најдобриот клуб во светот. Овде се чуствувам многу добро. Сакам да играм на највисоко можно ниво уште пет години. Можеби ќе играм и подолго, ако можам“, изјави 32-годишниот напаѓач.

Левандовски своето фудбалско деби го имаше во 2005 година, а во Баерн е од 2014 година, каде се етаблираше во еден од најдобрите напаѓачи во светот.