Лајпциг: Роналдо и Меси се престари за нас!

Спортскиот директор на Лајпциг, Ралф Рангник изјави дека не е заинтересиран за доведување на Лео Меси и Кристиано Роналдо бидејќи биле „престари“ за тој клуб.

Лајпциг, кој е најголем европски хит во моментов, за седум години помина четири ранга на натпреварувања, а оваа сезона после 13 кола е на чело на Бундес лигата со 3 бода предност пред Баерн Минхен.

Рингник во 2012 година ја презеде функцијата спортски директор кога Лајпциг беше во четвртата лига и познат е по развојот на млади и талентирани играчи во клубот кој го финансира „Ред Бул“.

„Би било апсурдно да се мисли дека Лајпциг би можел да функционира со нив. Меси и Роналдо се прескапи и престари за нас“, изјави Рангник.

Просечната старост на фудбалерите на Лајпциг е само 23 години.

„Имаме најмлада и најнеискусна екипа во првенството. Не знам дали тоа е револуционерно, но секако е необично тим кој пред три години играше во трета лига да биде на чело на Бундес лигата“.