Дома Фудбал Критичарите: Најлошиот судија од Мундијалот ќе го суди финалето!

Критичарите: Најлошиот судија од Мундијалот ќе го суди финалето!

Милорад Мажиќ ќе го суди финалето во Лигата на шампионите на 26 мај во кое ќе играат Ливерпул и Реал Мадрид.

И додека медиумите во соседството го фалат и се гордеат тоа што Мажиќ доби огромна чест се појавија и критичари кои тврдат дека најлошиот судија од минатиот Мундијал е избран да го суди финалето.

Критичарите потсетуваат на натпреварот на Мундијалот во 2014 година помеѓу Германија и Португалија кога Мажиќ во 37 минута го исклучи дефанзивецот Пепе поради провоцирање на Томас Милер, после што Германците славеа со убедливи 4:0.

Многу прашина се подигна околу таа одлука на Мажиќ, а одредни навивачки анкети го прогласија за најлош судија на Мундијал во 2014 година. Се потсетува дека Мажиќ на неславната анкета добил дури 80.000 гласови.

На сето тоа како уште еден „минус“ на Мажиќ се наведува тоа што оваа сезона тој судел само четири натпревари во Лигата на шампионите и тоа сите во групната фаза.

Коментари
Прочитајте поврзани статии
Load More In Фудбал

Проверете

Андора прва на патот на фудбалерките кон повисок ранг во Лигата на нации

Македонските фудбалерки ќе го отворат циклусот во март 2027 со два домашни дуела. Во група…