Конте: Ако играме вака немаме шанси во финалето!

Менаџерот на Челзи, Антонио Конте ги предупреди своите фудбалери дека треба да ги подобрат перформансите за претстојниот дуел со Манчестер Јунајтед.

Челзи ќе ги одмери силите против Манчестер Јунајтед во финалето од ФА Купот во сабота, што ќе биде можност за спас на сезоната.

„Сините“ останаа без пласман во Лигата на шампиони, а вчера сезоната ја завршија со пораз од Њукасл (3:0).

„За мечот со Манчестер Јунајтед сигурно треба да ја промениме играта. Со ваква игра немаме шанси во финалето. Имаме шест дена, за да го смениме нашиот пристап и желба да се бориме. Нашите фанови заслужуваат повеќе“, изјави Антонио Конте.