Колку заработуваат НБА ѕвездите за само една објава на Инстаграм?

Големите спортски ѕвезди заработуваат огромни средства и надвор од теренот.

Социјалните мрежи им помагаат дополнително да ја наполнат својата сметка, а тоа посебно се однесува на Инстаграм, каде спортистите заработуваат огромни суми само од спонзорирани објави.

Од играчите во НБА лигата, најмногу пари и тоа убедливо зема ѕвездата на ЛА Лејкерс, Леброн Џејмс. За само една објава на својот Инстаграм профил Леброн добива преку 300.000 долари.

Останатите НБА играчи заработуваат помалку. На второто место е Стивен Кари со заработка од 155.100 долари по објава.

Сепак, дури и овие бројки се многу мали во споредба со многу познати личности. Меѓу спортистите, најмногу заработува Кристијано Роналдо, кој добива скоро 1 милион долари по објава.

Пред Кристијано на листата е само Кели Џенер со 1.3 милиони долари.