Клоп ги разочара навивачите со изјавата за потенцијалното засилување

Ливерпул и Јирген Клоп во моментов се во борба за титулата во Премиер лигата, но и во Лигата на Шампионите каде што во полуфиналето ги очекува Барселона.

Освен што имаат добри резултати на теренот, Ливерпул сака добро да изработи и на пазарот за следната сезона да има уште посилен состав. Клоп неколку пати нагласи дека ќе има засилувања, а едно од најголемите имиња кое се поврзува со Ливерпул е Лоренцо Инсиње од Наполи. Германскиот стратег денеска сепак стави крај на тие шпекулации и откри дека Ливерпул нема да се обиде да го направи тој трансфер.

„Нема да потпишеме со Инсиње. Тој е многу добар играч, но има долгогодишен договор со Наполи“, изјави Клоп.

Со оваа изјава Клоп јасно даде знаење дека Ливерпул нема да го доведе споменатиот играч, иако тој е една од најголемите желби на навивачите на Ливерпул.