Клеј Томпсон стана соиграч со Дончиќ!

НБА ѕвездата Клеј Томпсон во наредната сезона ќе го носи дресот на Далас Маверикс.

Томпсон си замина од редовите на Голден Стејт и сега ќе биде соиграч со Лука Дончиќ и Кајри Ирвинг со кои ќе се обиде да дојде до шампионскиот прстен.

Во Далас Томпсон ќе заработи 50 милиони долари, а последната година од договорот е опција за играчот. Вориорси од друга страна го добија Џош Грин кој веднаш ќе биде испратен во Шарлот.

Нема дилеми дека Томпсон се очекува да биде големо засилување за Далас, а како се ќе изгледа на теренот останува да видиме во сезоната.