Клаудио Маркизио закажа прес конференција на стадионот на Јувентус

Клаудио Маркизио свикал прес конференција за текот на оваа недела и истата ќе се одржи на стадионот на Јувентус.

Некогаш големиот потенцијал на Јувентус во моментов е слободен агент откако си замина од Зенит Санкт Петербург и никој не знае кој ќе биде неговиот следен чекор.

Неодамна тој  одбил неколку понуди кариерата да ја продолжи во Кина од каде заинтересиран бил тимот на Џиангсу Сунинг, а одбил понуди и од Емиратите и од Јапонија. Понудата од Сунинг како што кажа јавно ја одбил поради блиската поврзаност на таа компанија со Интер. Потоа се пишуваше дека може да оди во Ренџес или Монако, на крајот не испадна ништо и од тие опции.

Конференцијата ќе се одржи на 3-ти октомври (четврток) во просториите на „Алијанц Стадионот“ на „старата дама“. Засега нема некои по конкретни најави што Маркизио ќе соопшти на таа конференција.