Кике Сетиен: Можеме до трофејот во ЛШ

Тренерот на Барселона, Кике Сетиен е оптимист кога е во прашање продолжување на сезоната и успесите на неговиот тим.

Во ЛШ, Барса во првиот натпревар од осминафиналето ремизираше со Наполи (1:1), а Сетиен верува дека неговиот тим може да дојде до самата завршница на ова натпреварување.

„Веруваме дека можеме да ја освоиме ЛШ. Мораме да подобриме некои работи, но без сомнение веруваме дека овој тим има потенцијал да ја освои ЛШ. Убеден сум во тоа.“ – вели Сетиен.

Првенството во Шпанија ќе биде продолжено на 8. јуни без присуство на навивачи.

Во Барса се надеваат дека можат и до титулата во првенството. Моментално имаат два бода предност пред Реал Мадрид.