Квадрадо блиску до нов договор со Јувентус

Колумбискиот репрезентативец, Хуан Квадрадо е многу блиску до продолжување на соработката со Јувентус, пренесува „Калчомеркато“.

Раководството на „старата дама“ му понуди нов договор на 33-годишниот фудбалер од јуни 2023 година.

Минатата сезона Квадрадо одигра 40 меча за „бјанконерите“ на кои постигна 2 гола и запиша 10 асистенции.

Актуелниот договор му истекува на крајот на сезоната, но Квадрадо е многу важен играч во формацијата на Алегри, па раководството сака да го задржи.