Касано: Им кажав во Милан дека Манџукиќ нема да им помогне

Поранешниот италијански фудбалер Антонио Касано кој еден дел од кариерата помина во Милан очекувал доведувањето на Марио Манџукиќ во јануари да биде погрешен потег.

На „Сан Сиро“ се надеваа дека искусниот хрватски напаѓач во тандем со Златан Ибрахимовиќ ќе биде клучна алка во освојувањето на Скудетото, но долгото неиграње оставило трага.

„Манџукиќ е единствена мана на Милан. Им кажав дека тој нема да им помогне, мораа да доведат сигурен и здрав напаѓач кој ќе постигнува голови кога ќе го нема Ибрахимовиќ. Каиседо според мене беше идеална опција за Милан. Вака кога го нема Ибра Пиоли мора да ги прекомандува Леао и Ребиќ на местото класичен центарфор што е позиција која не им одговара“, изјави Касано.

Од доаѓањето на „Сан Сиро“ Манџукиќ одигра пет натпревари и се уште не се запишал во листата на стрелци.