Капитенот на Лацио е првата желба на Пиоли

Италијанските медиуми пренесуваат дека прва желба на новиот тренер на Интер, Стефано Пиоли е капитенот на Лацио и аргентински репрезентативец, Лукас Биглиа.

Пиоли одлично ги познава квалитетите на Биглија и токму тој му ја додели капитенската лента во Лацио, па смета дека ќе биде големо засилување за средниот ред на „нероаѕурите“.

Аргентинецот има договор со Лацио до 2018 година и сеуште нема постигнато договор за продолжување на соработката, но „лацијалите“ нема лесно да се откажат од својот капитен.

Имено, претседателот Лотито бара најмалку 25 милиони евра за неговата слобода, а Интер има план како да ја плати таа сума.

Италијанските медиуми тврдат дека „нероаѕурите“ се спремни да го продадат Жефри Кондогбија, кој разочара на „Џузепе Меаца“ и на негово место да го донесат Биглија.