Калиниќ се предомисли: Останувам во Фиорентина!

Иако медиумите пишуваа дека трансферот е веќе готово, сепак хрватскиот репрезентативец Никола Калиниќ не ја прифати богатата кинеска понуда.

Калиниќ призна дека размислувал да ја прифати понудата на Тијанџин, но донел конечна одлука да остане во Фиорентина каде се чувствува одлично.

„Сакам да продолжам да играм во Италија, во клубот каде се чувствувам одлично. Беше голем притисокот од медиумите, цел свет пишуваше за мојот трансфер, но луѓето од клубот цело време беа максимално коректни и не ми поставуваа услови“.

„Понудата беше добро и секако дека ме натера на размисливање, но јас донесов конечна одлука. Останувам во Фиорентина“, потврди Калиниќ.

Кинескиот клуб му понуди на хрватскиот напаѓач 12 милиони евра по сезона и четиригодишен договор, што значи дека Калиниќ одби вкупно 48 милиони евра.