Како Киелини му посакал „добродојде“ на Кејн во репрезентативниот фудбал

Најдобриот стрелец од Премиер лигата, Хари Кејн и неговиот Тотенхем вечерва со почеток од 20:45 часот му гостуваат на Јувентус во првиот натпревар од 1/8 финалето во Лигата на шампионите.

Фантастичниот Кејн оваа сезона постигна 32 погодоци во 33 натпревари од кои 23 во англиското првенство, но во Торино ќе се соочи со одбрана која примила само еден гол на последните 16 натпревари во Серија А.

„Станува збор за одличен тим, ние сме тим кој сака да стигне до тоа ниво и со нетрпение чекаме да започне натпреварот. Ќе биде тешко да му се даде гол на Буфон, но ние секогаш сме тука да играме на гол повеќе“, изјави Кејн кој потоа зборуваше за Џорџо Киелни.

„Се сеќавам, прв пат играв од првата минута за Англија токму против Италија. После пет минути имав дуел со Киелини, а следните 10 минути поради тоа не ја чуствував ногата. Киелини е неверојатен играч, сигурно е еден од најдобрите дефанзивци во светот“, изјави Кејн.