Каде ли ќе заврши – Патрик Шик сега пред трансфер во Рома!

Патрик Шик навистина поминува низ бурен период во неговата кариера.

Фудбалерот кој настапува за Сампдорија на почетокот на преодниот рок беше пред трансфер во Јувентус, но како што е познато не ги помина медицинските прегледи, а потоа Интер се појави како најсериозен конкурент, но на крајот тој нема да потпише ниту за Интер.

Чехот во овој момент е пред трансфер во Рома, причината за пропаѓањето на трансферот во редовите на Интер е што „нероаѕурите“ не сакаа да влезат во преговори со Сампдорија.

Екипата од Џенова, покрај парите го сакаше и Едер, додека Интер не сака така лесно да се откаже од споменатиот фудбалер.

Рома е спремна да ја искористи оваа ситуација и да се обиде да го доведе Шик во своите редови, наводно веќе и испратиле понуда.