Кавани: Останувам во ПСЖ!

Напаѓачот на Пари Сент Жермен, Едисон Кавани изјави дека никогаш немал намера да го напушти клубот и дека е среќен што игра за еден од најдобрите тимови во светот.

Кавани за „Паризиен“ јавно го искажа своето задоволство во ПСЖ и потврди дека сака да остане во Париз уште долго време.

„Играм за еден од најдобрите тимови во светот и тоа ме прави среќен. Изминатите години изразував желба да играм во центарот на нападот, но секогаш ги почитував одлулите на тренерот. Пред почетокот на сезоната се сретнав со раководството на клубот и тие ме уверија дека ќе играм на таа позиција. Сега сум среќен, имам долг договор со ПСЖ и сака да останам што е можно подолго во Париз“, истакна Кавани.