Кабиб состави листа од најдобрите фудбалери на сите времиња

УФЦ шампионот во лесна категорија ги именуваше најдобрите фудбалери на сите времиња.

На списокот се наоѓаат седум играчи кои ги смета за најдобри во историјата.

„Не е лесно да се изберат најдобрите, но според мене тоа се Пеле, Марадона, Меси, Кристијано Роналдо, Зинедин Зидан и Бразилецот Роналдо.“ – рече Кабиб.

„Луис Фиго исто така е еден од најдобрите, во 2000. година ја освои Златната топка. Тие играчи се веројатно најдобрите.“ – изјави Кабиб во интервју за Рибок на Инстаграм.

Да потсетиме, Кабиб е голем пријател со напаѓачот на Јувентус, Кристијано Роналдо. Неодамна Португалецот му посака на Кабиб победа во следната борба.