Интер ја плаќа клаузулата за ѕвездата на Сампдорија!

Како што пренесуваат италијанските медиуми Интер е сериозно заинтересиран за напаѓачот на Сампдорија, Патрик Шик.

„Газета дело Спорт“ пренесува дека чешкиот напаѓач е на мета на голем број клубови, меѓу кои Јувентус, Наполи и Интер, но „нероаѕурите“ покажуваат најсилен инетрес и се спремни да ја активираат откупната клаузула која изнесува 40 милиони евра.

Шик оваа сезона блесна во дресот на Сампдорија и Интер смета дека би бил идеално засилување за нападот, па е спремен да ја активира клаузулата за да ја победи конкуренцијата.

Покрај италијанските клубови овој 21-годишен напаѓач е на мета и на Арсенал, Манчестер Јунајтед и Манчестер Сити чии скаути постојани ги следат неговите настапи.