Интер се договори со Брозовиќ, преговара со Перишиќ

Италијанските медиуми пренесуваат дека Интер и Марсело Брозовиќ постигнале договор за продолжување на соработката.

Преговорите за нов договор траеа подолго време бидејќи двете страни не можат да најдат заеднички јазик.

На крај Интер се согласи да ги задоволи барањата на хрватскиот плејмејкер и му понуди 4-годишен договор тежок 6 милиони евра по сезона.

Двете страни треба да ги договорат последните детали и наскоро Брозовиќ ќе стави потпис на нов договор.

Притоа, Интер започнал преговори и со Перишиќ на кого договорот му истекува на крајот на сезоната. Се веруваше дека Хрватот сигурно ќе си замине на крајот на сезоната, но тренерот Инзаги сака да го задржи.