Дома Топ вести Интер оваа недела носи три засилувања од Премиер лигата

Интер оваа недела носи три засилувања од Премиер лигата

Италијанскиот гигант Интер е во завршни преговори со три големи засилувања од Премиер лигата и трансферите би требало да бидат комплетирани оваа недела.

Првото засилување треба да биде плејмејкерот на Тотенхем, Кристиан Ериксен кој веќе има договор со „нероаѕурите“. Откако Интер исптрати понуда од 15 милиони евра плус 3 милиони како бонуси, се очекува двата клуба да ги договорат последните детали во следните денови.

„Нероаѕурите“ се во напредни преговори и со Челзи за трансфер на Оливие Жиру и Виктор Моузес. Напаѓачот треба да пристигне во перманентен трансфер за 1,5 милиони евра, додека за Моузес се работи за позајмица до крајот на сезоната со право на откуп.

Во меѓувреме Интер постигна договор со Фламенго за трансфер на Габигол за 20 милиони евра, па со тоа ќе ги финансира споменатите трансфери.

Италијанските медиуми пренесуваат дека Интер треба да ги комплетира трите трансфери до мечот со Каљари кој на програмата е во сабота.

Коментари
Advertisements
Прочитајте поврзани статии
Load More In Топ вести

Проверете

Неверојатна грешка на Ноер за која долго ќе се зборува (видео)

Баерн Минхен го пречекува „фенерџијата“ Падерборн и на полувремето резултатот е 1:1. Домаќ…