Дома Фудбал Италија Интеристите му се поклонија на Кјаер, Милан го наградува

Интеристите му се поклонија на Кјаер, Милан го наградува

Капитенот на Данска, Симон Кјаер со храбрата и одлучна реакција му го спаси животот на Кристиан Ериксен.

Кјаер го воодушеви фудбалскиот свет, а со тој гест ги обедини и лутите градски ривали Интер и Милан.

Навивачите на Интер му оддадоа почест на Кјаер за неговата пожртвуваност и хуманост, па денес ставија голем транспарент во центарот на Милан.

„Кјаер, голем човек и вистински капитен“, напишаа „нероаѕурите“ за нивниот ривал.

И неговиот Милан ќе го награди Кјаер за неговиот гест, а „Газета дело Спорт“ тврди дека тој ќе биде нов капитен на „росонерите“. Данецот треба да го наследни Ромањоли, кој е на излезна врата.

Ова не е случајно, тренерот Пиоли и раководството веќе подолго време размислуваат да му ја дадат капитенската трака на Кјаер бидејќи е вистински лидер на теренот и во соблекувалната.

Коментари
Прочитајте поврзани статии
Load More In Италија

Проверете

Официјално: Покетино го продолжи договорот со ПСЖ

Aргентинскиот стратег Маурисио Покетино во ПСЖ пристигна во јануари на местото на Томас Ту…